官恩娜（Ella）、陳庭欣、許廷鏗、鄭裕玲及商天娥等昨日到尖沙嘴出席「萬眾同心公益金」記者會，Ella透露早前赴台北拍MV，與男主角有親熱鏡頭：「初初我都好緊張同掙扎，因為好耐未試過同其他男士有身體接觸，原本諗住似錫非錫，點知都掂咗一吓，有啲尷尬。」
提到安琪蓮娜祖莉（Angelina Jolie）割乳防癌，Ella大讚她勇敢：「我都好驚，因為阿姨29歲乳癌過身，會考慮驗基因。」問到會否效法割乳？她表示要先看報告評估，或視乎是否已生小朋友。至於會否考慮整假乳房？她笑說：「可能整完個胸會靚啲㖭！」
採訪：溫敏芝
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！