無綫《勁歌金曲》改革調時段收視慘跌至3點（約19萬觀眾），據知原本一年三回的《勁歌金曲優秀選》都cut剩兩個回合。據悉唱片公司日前已收到無綫通知，第一回優秀選將於7月6日舉行，第二回則定於12月，總選繼續於明年初。據知，無綫cut優秀選全因唔夠歌攞獎，由於年初至今甚少歌手出碟，靠英皇及星煥撐住的《勁歌》，至今只有英皇的洪卓立、王祖藍及羅力威出碟，星煥更加冇歌手出碟，容祖兒及謝安琪等都在暑假至年尾才出碟。之前有傳無綫欲取消《勁歌》總選，事關無綫跟四大唱片雖破冰，但四大歌手沒簽歌星合約，故不能亮相《勁歌》爭獎，由於沒有四大撐場，無綫欲扯頭纜搞四台聯頒，可惜未跟商台及新城傾掂數。
祖兒懶理抄歌
另外，祖兒昨日到新城接受訪問時，對於新歌《另眼相看》被網民質疑抄歌，她說：「我慣咗，呢啲曲風用呢種唱腔，覺得我抄可以唔聽！」對於經理人霍汶希（Mani）母女被影到跟內地電力大王賀丹青飯敍，問祖兒有冇見過BB的爸爸？她呆了5秒說：「我有見過個女，楊生（楊受成）曾開一百萬叫Mani戒煙，佢話做唔到。」
採訪：林妃、李珮洳
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！