【置地廣場】越老越型嘅謝賢（四哥）真係去到邊都咁吸引，好似前日下晝三點幾，四哥打扮醒神現身中環置地廣場high tea，不過陪佢撐枱腳嘅並唔係女友CoCo，反而係一位四眼男士，四哥邊食意粉邊傾，食飽飽嘅四哥肚腩微凸，仲木起個嘴用餐巾抹乾淨，夠晒豪邁，之後四哥仲開始好肉緊咁講佢隻手錶講到指手畫腳七情上面。嘆完茶四哥負責埋單，然後佢哋行去蘭桂坊方向。
採訪、攝影：楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！