好多人都鍾意將7字視為自己嘅lucky number，如果你係其中一分子，又有收集特別號碼銀紙嘅習慣，咁以下呢個「香港布約翰2013年春季拍賣會」就啱晒啦。佢哋會係5月31日至6月2日拍賣近400張編號全部係7字嘅「幸運港紙」，號稱係香港開埠以來，最大規模嘅全號碼鈔票公開拍賣。
比較特別嘅拍品有香港有利銀行1970年，號碼係A777777嘅100蚊紙，估價要10至20萬元，起拍價12萬。另一款渣打銀行1977年號碼Z/P777777嘅500蚊紙，估價8至15萬，起拍價要8萬。除咗紙幣，仲有1968年發行，但發行後幾小時即撤銷發行嘅文革郵票「全國山河一片紅」，估價都要40至60萬㗎。