莊思敏及鄭融昨日於將軍澳電視廣播城為節目《甜心先生》擔任嘉賓，兩人均表示閒時亦會整甜品，鄭融說：「我都識整幾款，都係男朋友教架，有時我哋都會一齊整甜品。」
莊思敏表示當年與吳浩康拍拖時，對方亦親手整甜品𠱁自己，當時令她十分感動，她自言廚藝一般但曾有朋友想與她合夥開廿四小時甜品店，她說：「因為香港好少甜品店開通宵，通常都只係糖水舖，但係我自己本身唔熟呢行所以最終都係冇投資。」她表示家中兩位妹妹亦會整曲奇，但每次均會搞到廚房大亂。
採訪、攝影：王崇穎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！