講多單關於希慎（014）嘅料，希慎後人利承武，即係盛傳同前藝人陳淑蘭秘婚嗰位，噚日宣佈透過廣域理念公司買入長實（001）喺尖沙咀1881入面Hullett House（圖）嘅酒店同餐飲業務。
利承武今年42歲，出名係城中鑽石王老五，經常同藝人傳緋聞，娛樂版見佢最多。咪以為佢淨係識玩，原來創立咗間廣域理念，旗下有三間酒店同公寓、六間高級餐廳同酒吧，喺酒店同餐飲界有晒經驗。Hullett House呢間古蹟酒店，曾被國際旅遊雜誌評為全球最佳新酒店之一，都有咁上下斤量，唔知利承武買咗之後，會唔會同希慎搞crossover呢？