用唔夠8年時間成功染藍嘅濠賭股銀娛（027），負責打骰嘅副主席呂耀東（Francis．圖）梗係好開心啦，噚日透露心聲話，辛苦咗咁多年，終於都得到市場認同。
咁開心嘅事就一定要賀一賀佢，Francis話，已經同阿爸呂志和商量，一定搞慶祝活動，至於搞乜，佢暫時賣關子，費事班員工知道咗太開心，影響工作咁話。可以肯定嘅係，「要飲到佢哋（銀娛員工）碌晒喺地！」
講開又講，Francis噚日竟然鼻頭爆瘡，57歲仲生青春豆，認真唔講得笑，佢都笑自己話「幾十年都冇生過，一嚟就咁大粒!」聞說鼻哥生暗瘡易破財，呢粒瘡係咪預告呂耀東將要破財大宴親朋呢？