【ifc】唱作歌手林二汶近日忙緊綵排拉闊音樂會，今次佢同薛凱琪、吳雨霏、王菀之三位好友合作，二汶都好開心有呢個機會互相交流。前日傍晚6點幾，二汶偷得浮生半日閒，約咗幾位男女朋友去中環ifc行街，佢哋行到攰就入咗Starbucks嘆咖啡，二汶仲除低黑超素顏示人，佢同朋友吹水咗半粒鐘後走人，之後二汶同女友人入咗數碼通，仲係咁睇自己部手機，唔知係咪壞咗呢？
採訪、攝影：羅德光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！