【打擊士氣】
滙控（005）宣佈裁員，大刀未揮，旗下員工已經「騰騰震」。有不願意透露姓名的本港女職員，得知消息後感驚訝：「裁員？最好唔好啦！我哋香港最幫佢搵到錢，員工又賣命，但又隨時冇咗份工，心裏面好唔舒服！」
兩年前裁員逾百人的重災區資訊科技（IT）部門，外判員工鄧先生表示︰「都唔奇怪，呢度好多時都係郁IT，先搵我哋開刀都唔出奇。」他表示，公司只注重經濟效益︰「佢賺咗錢都唔會同我哋分，擔憂一定有，你話要求公平，只係你一廂情願，佢想賺多啲錢，唔用我，只能無奈接受！」
冀交出具體方案
香港銀行業僱員協會副主席譚健新指，收到不少員工反映，得知裁員消息均感不安︰「工友都會關注公司年報，睇到金融海嘯後，歐美業績差，但香港每年都係增長最高嘅地區，佢哋會諗，我哋呢度年年都最賺錢，你唔同我哋分享經濟成果都算，𠵱家裁員要裁埋我哋，前線員工士氣一定低落，到頭來都會影響公司業績。」
他引述員工指出，若裁員方案既成定局，希望管理層交出具體方案，令員工有所準備。