李克勤昨日於商台宣傳新歌《前進》時透露，近日忙於籌備下月尾推出的新碟。近日有雜誌於學校偷拍張栢芝兒子Lucas上堂情況，克勤的兒子亦就讀該校，他說：「我唔知有冇違法，不過人情道德上唔係咁好。」他認為學校會作出對策，並強調如果兒子被偷影，他亦沒有辦法阻止。
另外，身為曼聯fans的克勤表示，日前有收看領隊費格遜退休前的致辭：「費Sir一講嘢就去廣告，火都嚟，我對新領隊有信心。」講到「送禮勤」事件再被重提，他笑說：「我懷疑報館有車路士同阿仙奴fans，比起其他藝人我呢件好小事。」
採訪、攝影：李珮洳
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！