【跑馬地→銅鑼灣】前日下晝吳雨霏（Kary）由媽咪陪住去咗跑馬地嘅醫院睇病，佢話撞瘀咗膝頭，不過後生女好快就冇事，佢夜晚已經可以食飯同揸車。大前日係母親節，前日就係Kary爹哋生日，所以Kary一次過喺前晚同父母慶祝。前晚接近8點，Kary同爸爸去到銅鑼灣開平道一間樓上餐廳，會合一早到咗嘅妹妹同媽咪，睇落Kary似老竇多過媽咪。餐飯食到9點半Kary媽咪同細女走先，Kary同老竇殿後離開，之後一家四口分咗兩架車走。
採訪、攝影：朱志聰、李志明、梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！