港隊（左）下個月4號同菲律賓拍跳，噚日就友賽太陽飛馬（右）備戰；點知全隊都有放假心態，比飛馬搓到檸檬咁樣，半場落後1:3，全場更輸到六個一皮。總教練金判坤當然失望，但有信心谷番起隊波；佢仲話，傑志33歲嘅朱兆基體能同心理好好，可踢多幾季，而港隊亦需要佢嘅經驗領軍，希望佢唔好咁快諗掛靴。