【本報訊】曾被譽為全球最性感女人的安琪蓮娜，最煞食的本錢是其魔鬼身段及誘惑厚唇，今次決心「哀悼乳房」，隨時打擊其星途和片酬。本港學者則認為安琪蓮娜勇於面對病患，是對已切除乳房女士的極大鼓勵，其舉動是帶領文化改革，改變社會風氣，帶出生命較片酬和星途更重要的訊息。
港大社會工作及社會行政學系副教授何式凝認為，安琪蓮娜的舉動值得高度表揚，「佢咁做對天下女人係一個好大嘅鼓勵，特別佢本身係一個性感尤物嘅象徵，佢嘅身形、性徵會影響佢嘅片酬星途，佢同一般人一樣，對癌細胞有恐懼，佢夠膽出嚟講，係一個political statement（政治宣言），令人明白呢樣嘢可以勇敢面對，唔需要收收埋埋，佢係帶領緊一個文化改革。」她解釋，女性乳房與子宮一樣，是性徵的重要部份，不少女性對於乳癌普遍諱疾忌醫，完成切除手術會自覺羞恥，「好多人都知道要做乜檢查，但一時話好忙，一係就等情況再差啲先睇醫生，心存僥倖，結果係太遲，我哋都係選擇逃避，但Angelina選擇面對佢」。