【本報訊】港大、城大相繼諂媚權貴，無視大學是言論自由堡壘。不過在回歸前，時任中大校長的「光纖之父」高錕教授，在校監港督彭定康出席的畢業禮上，學生會10多人可衝到他面前交政改請願信；高錕被學生搶咪、掟安全套，可是他堅持不踢學生出校。高錕寬宏，城大校長郭位難及。
「冇人阻攔，完全好自由」
職工盟統籌幹事譚俊賢是1995年中大學生會會長，他昨憶述其時彭定康以大學校監身份，到中大出席畢業禮，他與另外10人向彭交請願信，要求推行普選，過程十分順利，「佢得啲近身侍衞，基本上冇遮冇擋，我哋直接交信畀佢，冇人試圖阻攔，完全好自由」。
譚俊賢表示，當時校方未有召皇家警察入校護駕，中大保安也未阻礙學生自由表達。他說校長高錕堅定捍衞大學自由氣氛，最令他深刻是高錕在校慶典禮上發言時，被激進學生上台扯咪，又有學生掟安全套，「事後校務處想踢啲學生出校，不過聽講高錕唔准佢哋處分學生」。
譚俊賢表示，回歸後由首任特首董建華開始，官員怯於面對市民，「梁振英更加啦，佢認受性低、民意授權又低，並有紅色背景，自然覺得全香港針對佢，所以去到邊都要保護」。他批評城大校方失職：「作為大學係要捍衞學生、教授嘅表達自由，但城大冇自覺擔當呢個角色，反而調轉去擔當一個鎮壓者角色，係好離譜！」
近年中大比較激的場面，是2004年校長金耀基被反對學系重組的學生圍堵和攔途截座駕，校方未有武力抬走學生。
中大政治與行政學系高級講師蔡子強曾在城大前校長張信剛任內，於城大任教多年，「嗰時冇乜咁對抗性，如果有，唔知張信剛會唔會咁做」。他是1987年中大學生會會長，認為進入大學的嘉賓，就要有心理準備要面對學生質詢，「一間大學要話畀嘉賓知，一間大學就係咁。呢次城大學生靜坐都要被拉開，好難令人接受」。