【中環】大美人林青霞前日4點半去咗中環置地廣場置裝，冇保鑣、冇助手，好自在咁同狄龍老婆陶敏明先去Gucci睇手袋，之後仲睇埋時裝，青霞不時將新裝拼上身照鏡，最後仲去埋試身室着上身。出到嚟效果都唔錯，背脊仲有少少露背頗為性感，可惜最後都冇買到。跟住佢轉去Tod's，林青霞同啲店員好熟，一入去就雞啄唔斷，前後試咗幾對鞋就簽單等送貨。
採訪、攝影：黃曉程
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！