「長髮瘦人」憑住搞嘢本色上位，跟住做咗整蠱節目嘅目標人物，點知節目出街後人氣急升，人人讚佢執生能力超好，除咗電視同電影，連商場騷都搵埋佢，工作量多咗好多，咁有時接工作係friend搭friend，佢見到老友就自然收友情價，點知有個老友唔醒目，竟然爆佢價錢，因為驚其他人又會詐型話佢開高價，所以搞到佢好頭痕，為咗唔畀呢種事再發生，佢就索性喺網上責備出賣佢嘅朋友，仲大呻同朋友講唔好公開價錢真係嘥鬼氣。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！