「我覺得興趣係工作嘅動力，導賞員唔止係一份工，亦係一種使命！」在社企Biciline任職旅遊主任的董卓霖(Gas)堅定地說。
Gas 憑著一份熱誠，對生態的喜愛，即使要牢記大量資料都樂在其中，「我好沉迷一啲動植物，好鍾意睇住佢哋，好想了解佢哋嘅特性，譬如血桐點解會流血呢？原來係因為血桐含有單寧先會流血，又或者係一啲魚類，點解泥灘有好大個坑呢？原來係嚟自福壽魚，都想其他人對身邊嘅事物多啲認識和了解！」
Gas 自小在村屋長大，小動物、小昆蟲、小植物都是兒時玩伴，養成喜歡接觸大自然的興趣。五年前Gas仍就讀高中，經朋友介紹成為兼職導賞員，才發現自己的生態知識比其他人強，透過講解與客人建立關係，甚至增強他們的環保意識，取得極大滿足感，「有個團友第一次跟我，我叫佢記得帶走啲垃圾，因為郊外嘅垃圾筒係隔幾日先有人收，垃圾都會發臭，講過一次佢竟然記住咗，下次佢又嚟報團，見佢將啲垃圾主動執走，我覺得好成功，成功教識佢做環保保育！」
中五畢業後，Gas由兼職轉全職，會帶客人踩單車遊南生圍、流浮山、白泥、尖鼻咀等，之後升任活動助理，目前已是旅遊主任，五年間四級跳！未來要肩負探索新路線的重任，把更多生態知識帶給公眾，還希望繼續進修，更上一層樓！
記者：鄒倩婷 攝影：李漢基
愛地球 齊齊Go Green： http://green.appledaily.com/
