沙西雙雄董之英同體藝，今午3點同4點半，先後喺石硤尾公園球場上演嘅學界精英足球賽4強，分途出擊鬥香港加拿大國際學校同英華書院。「粉紅戰士」體藝上場喺過百球迷打氣下，踢走男拔晉級；效力傑志嘅主將顏樂楓賽前揚言，鬥志係佢哋最強武器，相信今仗有更多球迷撐場，可以一鼓作氣擊敗英華，打破逾10年嘅決賽荒。