05年《星期日檔案》「隱青」阿源要結婚了！消息一出網民都在網上奔走相告，因為今次唔係流料，而係真的！昔日隱蔽青年，終日在家無所事事，冇理想冇目標，經過努力後再融入社會，如今都要成家立家，為女友，為屋企而努力啦！真係勵志到可以拍戲！
而阿源同女友的「紅娘」，竟然係G.E.M.?皆因阿源當初鼓起勇氣，Send咗G.E.M.首《我的秘密》比女友示愛，叫女友留意歌詞，最後，成功！
究竟《我的秘密》邊句歌詞打動到阿源女友呢?咁就真係唔知啦，但G.E.M.知道了阿源用佢首歌達成美事之後，都喺fb同微博po兩句《我的秘密》嘅歌詞:「我們之間的距離好像忽遠又忽近~你明明不在我身邊我卻覺得很親~~」佢仲祝福阿源同佢女友:「祝福你們白頭到老，永結同心（當紅娘感覺好奇妙）」G.E.M.同埋網民祝福，相信阿源會收到喇！
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com 睇番足本網上版，除咗有專訪外，仲有好多時裝靚嘢睇！