內地電視台搞嘅潑水節目為咗搶收視，狂揼錢搵咗唔少紅星參加。本來「蕉蕉」同「豬豬」都話參加，但蕉蕉後來聲稱身體唔舒服唔玩，而豬豬都有練潑水，但一直唔見佢比賽，點解？關仁聽二五講，其實蕉蕉同豬豬冇晒影，係同佢哋以前啲桃色是非有關，因為潑水節目好入屋，內地方面認為蕉蕉同豬豬形象唔好，最終唔批佢哋喺節目出現，所以蕉蕉咪惟有聲稱自己因為健康理由唔玩囉。至於豬豬近排都話自己受傷要暫停唔玩住，其實都係同一個原因冇得玩之嘛。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！