警察公共關係科（PPRB）高級警司郭柏聰入咗去機場做指揮官，而佢喺PPRB個位就由江敏強接任。江Sir噚日第一次用新身份見傳媒，好多記者都話佢熟口熟面。梗係啦，早排有虐待動物狂殘殺貓狗，就係由呢位江Sir介紹香港警方有動物守護計劃；而警隊引入隨身攝錄器材，亦都係由佢講解㗎。原來江Sir曾經入過商業罪案調查科打擊訛騙案，亦曾為大型活動部署保安安排，世貿韓農戰、奧運馬術等等都有佢份，後來又調咗去落馬洲做指揮官，早幾年就調升支援部。見過咁多大場面，江Sir應該好識得從容對答傳媒提問啦。