英皇天后容祖兒似乎要落足耳力物色新歌，昨日她在YouTube派新歌《另眼相看》，不少網民發現有抄歌之嫌！《另》歌由馮翰銘作曲、黃偉文填詞，網民驚覺似足英國人氣女歌手Adele前年的作品《Rumour has it》，特別是前奏似足九成。另有網民覺得首歌似韓國女歌手Lee Hi的《1.2.3.4》，無論唱法至編曲都有八、九成似。其實祖兒之前已有多首歌曲被指抄襲，前年派台歌《花千樹》被高登仔指涉抄襲馬浚偉94年的舊作《不再悲觀》，當時高登仔還炮製一個七國咁亂版贈興。
採訪：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！