油麻地渡船街天橋底一班露宿者，早前因為民建聯鍾港武做主席嘅油尖旺區議會「介入」，想「防止露宿者聚集」，決定一擲253萬起花槽，連頭上片瓦都唔畀佢哋。噚日社區組織協會帶成班露宿者去立法會申訴部投訴，點知遇着李慧琼做當值議員主持會面。SOCO吳衞東質疑區議會用200幾萬公帑帶頭歧視露宿者，但又唔提供安置，做得好絕。李慧琼就聲震震咁話，雖然好同情佢哋，話未妥善溝通就唔應該令露宿者利益受損，但相信區內有其他市民聲音，認為有美化必要，佢哋要向市民負責，即係呢，遇事就即刻將個波拋畀「市民」。