佔領中環發起人朱耀明疑被竊聽，八方噚日一見到真普選聯盟召集人鄭宇碩，即時捉住問吓佢有冇被人勾線，佢話唔識得分自己個電話有冇俾人竊聽，但就話向來收過唔少有毒電郵。
城大校方早前出信俾喺城大任職教授嘅鄭宇碩，要求佢唔好再喺城大搞普選聯論壇，以免校園有粗口出沒，鄭話擔心城大藉呢次機會，封殺其他團體喺城大搞活動，所以佢唔打算同校方硬碰，𠵱家諗緊要喺其他地方例如教協或者租地方搞論壇。佢話，自己仲有兩年就退休，唔擔心會被城大秋後算賬，只係要為其他團體着想，而城大校方向來手法強硬，所以對今次出信唔覺意外。