【特稿】
屋宇署職員工作壓力爆煲企圖自殺，揭示政府文書職系工時長、工作量多。工會指政府各部門內的文書職系中，以助理文書主任、文書助理等職位的壓力最大，每日平均加班45分鐘至1小時，最嚴重更加班至晚上11時。工會曾接獲多宗求助個案，部份員工不堪壓力患精神病；兩年前一名助理文書主任跳樓身亡。
文書職系公務員總會總幹事梁籌庭稱，政府助理文書主任頂薪是2.3萬元，日常負責文書支援服務，工作包括人事、會計、總務等，「幾乎所有嘢都關佢哋事，好似社署辦理綜援」。而文書助理職位較低，頂薪是1.6萬元，負責處理書信來往、文件等，但壓力較助理文書主任少。
梁籌庭指，現時政府多個部門人手不足，公務員有返工時間，沒放工時間，一般在政策局的文書職系員工較辛苦，「做晒所有嘢先放工，10個有9個都要遲收工，我同啲同事講如果你可以準時收工真係執到，根本係冇可能嘅事」。他又指曾接獲多宗個案，員工抵受不住大量工作及壓力，「頂唔順要自殺，有啲就做到癡咗要睇精神科，唔係一單半單，不過政府死口唔認」。
《蘋果》記者