前日是母親節，侍母至孝的郭富城與母親到銅鑼灣西苑慶祝，回復單身的城城心情大好。前晚7時許，城城現身西苑應女fans要求合照，食至約10時許，城城跟母親手拖手離開，心情大靚的他跟母親說：「畀佢哋影張相。」聽到被讚是孝順仔，城城笑說：「食餐飯啫，辛苦大家。」談到去年送錶，今年準備甚麼禮物？城城不肯透露，最後問城媽今年沒有熊黛林（Lynn）陪慶祝會否不慣？城城一聞前女友熊黛林名字，即拋下一句：「唔講呢啲，OK！」隨即離開。
苟芸慧被屈眼濕濕
另外，傳介入富黛戀的苟芸慧，最近則忙於進行地獄式減肥，她近日接受商台錄音訪問時坦言：「由細到大冇俾人冤枉，亦唔明白娛樂圈，有時唔識處理，好無助。」苟姑娘更講到眼濕濕續說：「係要學，係一個過程。」但對於與城城傳緋聞後，身價勁升十倍，她說：「有冇咁誇？我唔清楚價錢，但未必咁誇張，未發生（緋聞）前公司已安排咗唔少工作。」但苟姑娘坦承人氣確因緋聞上升不少。
採訪、攝影：彭琮然、王連連
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！