【鰂魚涌】日前楊洛婷同好友徐子珊，去咗鰂魚涌嘅港島東農墟擺檔賣手製cup cake。由於當日趁墟嘅大部份都係外籍人士，比較少本地客，所以唔係好多人認出佢哋，只係間中有師奶認出戴住墨鏡嘅徐子珊，反而做過兒童節目嘅楊洛婷就有好多小朋友認得。楊洛婷噚日接受電話訪問話，係義務幫男朋友嘅妹妹賣餅，佢話：「子珊30蚊一個鐘都冇收，仲好快上手不停幫手包cake、收錢。」
撰文：李森
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！