糖兄妹噚日喺中環出席一個鼓勵辦公室環保嘅活動，佢哋都好識節約能源，糖兄試過用抽濕器嘅水拖地，糖妹就幫朋友公司嘅水喉加個慳水器，幫朋友慳水費。另外，問到糖妹男友Dominic拍戲與松岡李娜激吻，糖兄笑指Dominic好認真，至於糖妹就話：「工作認真係好，我都有拍過葉念琛嘅戲，希望佢搵我拍。」會唔會去睇呢套戲？糖妹只答：「香港電影業拍嘅戲，係應該支持。」