印度籍的喬寶寶在香港出生和長大，跟老婆結婚後一直在港生活，21歲的長子在港出世，但9歲細仔因當時香港有沙士，所以在蘇格蘭出世。喬寶寶跟印度籍的老婆已婚22年，但她之前申請香港特區護照被駁回，為了兩名在蘇格蘭升學及醫病的兒子，喬寶寶只能忍痛舉家移民蘇格蘭退出娛樂圈，前晚他便坐機離港。
我係香港人
喬寶寶前晚穿上印有「I Love Hong Kong」及「我係香港人」字眼的黑色T恤離港，擺明心繫香港表達離愁別緒。當晚不少好友專程到機場送喬寶寶，大家都不約而同做出抹眼淚的甫士。喬寶寶離港前接受訪問時表示：「老婆之前已經先過咗去蘇格蘭，我專登揀母親節過去，因為香港好似自己家鄉咁，好唔捨得，但另一面我又唔捨得同家人分隔兩地。」
因參加無綫《殘酷一叮》而晉身娛樂圈的喬寶寶，他再衷心說：「多謝《殘酷一叮》，經理人對我嘅支持，帶我去全世界登台同接埋唔少工作，另外又多謝監製王心慰搵我拍劇，令我深入民心。」喬寶寶透露因經理人幫他接了工作，故在7、8月會返港，估計每年都會返港及內地工作賺錢兼順道探望親友。
採訪：丁寧
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！