俄羅斯網球手舒拉寶娃（右）人靚身材正，同籃球球員禾積斯甩拖之後，又點會冇人追；上周六舒娃就同公佈令一眾裙下之臣心碎嘅消息，承認同來自保加利亞嘅網球手迪美托夫拍拖，早前更被偷拍到兩人手拖手行街兼咀嘴相，想唔認都唔得。不過情場得意球場失意，呢位世界排名第2嘅靚女，喺周日嘅馬德里網賽女單決賽，以盤數0:2不敵「細威」莎蓮娜（左），屈居亞軍。