【公司專訪】
網購熱潮席捲中港零售市場，就連OK便利店都決定要進軍網購業務。公司將會以類似阿里巴巴的「天貓網」營運模式，提供網上平台予零售商做生意，並負責物流配送，容許顧客在全港330間分店取貨。對於不少零售商搞網購，最終都無法賺錢，利亞（831）行政總裁楊立彬坦言，網購是長遠投資，預計頭一、兩年都不會有盈利。
記者：吳綺慧
隨着網購越趨普及，國美（493）、百麗（1880）及I.T（999）等實體零售商，市場份額遭蠶食，近期亦開始反攻網上，以迎合消費習慣的轉變。不過，網購世界向來充斥大量減價，要「燒銀紙」建立足夠生意規模方能圖利，而現今只有極少數網購商能成功賺錢。
盼至少50零售商加盟
OK便利店將於7月正式推出網購平台「指點」（fingershopping），模式類似港版「淘寶」或「天貓」，同樣是營運網上平台，供中小型零售商在網站做生意。「和淘寶唔同嘅係，我哋賣嘅產品多數係外國牌子，又或者本地設計師嘅精品。初期會以電子產品、護膚品、小家電為主，會慢慢再改善產品種類，希望7月推出時至少會有50個零售商加盟。」
有零售分析員對於便利店都搞網購，感到意外：「便利店係即時消費，基本上唔會受網購衝擊。可能公司想搵新增長點，但網購要成功好難，唔容易做起人流，因為大家只會慣性去最齊全嘅大網站，佢哋掂唔掂要好視乎提供乜產品，和定價有幾平。」
楊立彬都坦言，會視「指點」為長期戰線，未來一、兩年都不會賺錢，「Amazon都搞咗近十年先賺錢，我哋會試市場反應，不斷再改。」
他認為「指點」的競爭優勢，是可利用OK便利店本身的貨倉及330間分店配送網絡，毋須再額外投入大量資源搞物流，並且可以讓消費者揀選在OK便利店取貨，免收運費：「我哋甚至可以唔使個客預先畀錢，order咗件貨落舖，睇過無問題先再交收，唔啱可以唔要。」
零售商須適應潮流
OK便利店早在兩年前已和內地淘寶網合作，容許顧客在便利店取貨，楊立彬指現時每日至少有幾百名客人使用此服務。「OK每日有70萬客次，我哋會透過推出優惠，將呢啲客流帶去網站，然後網站又可以將新客帶返落舖。」
消費者越來越多利用網絡瀏覽商品資訊，楊立彬同意零售界的遊戲規則早已改變，改由消費者「話晒事」，零售商一定要轉型去適應潮流。「以前係消費者跟我哋嘅走法，例如要喺指定嘅開門時間幫襯、買我哋預先揀好嘅商品。但𠵱家有咗網購，消費者鍾意幾時shopping、買乜種類嘅貨品都好容易搵到。我哋一定要變，去貼近消費者新嘅lifestyle。」