譚詠麟（譚校長）、王馨平（Linda）、汪詩詩、汪圓圓、伍詠薇、羅霖與愛兒昨日齊集山頂參與慈善步行，適逢母親節，Linda透露出席完活動後便會合丈夫跟奶奶慶祝，她笑指跟丈夫悉心照顧老爺奶奶，已是他們最窩心禮物。
談到亡母林翠，Linda仍然眼濕濕，她遺憾未有跟母親過難忘母親節，她說：「我好記得媽咪同我講：『掌握人生，過好自己人生』，媽咪係好善良同有人緣嘅人，若果仍然在世，必定係有趣長輩，父母好早離婚，自細好少機會同媽咪相處，直至我嚟香港發展，先有機會聽佢講有關媽咪家嘅事，感覺好似朋友咁。」
譚校長透露昨早已在家慶祝母親節，問到送甚麼禮物？他笑說：「送心、花同水果陣。」至於講到囝囝有否投訴近日不時見報？校長鬼馬說：「今朝好大霧，有人博大霧。」
採訪、攝影：馬建華
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！