中環在線:<br>Prada股價 還看《大亨小傳》 - 李華華

中環在線:
Prada股價 還看《大亨小傳》 - 李華華

每逢有新戲上畫,相關股份總會有啲波動,好似周星馳套《西遊.降魔篇》今年初上映,刺激佢隻比高(8220)之前有炒作,鄭少秋有份主演嘅《忠烈楊家將》上月上畫,即刻拖累港股大跌,咁經典嘅例子就更加唔使講。
由經典小說改編而成嘅西片《大亨小傳》本周上畫,部份戲服由Prada(1913)主席Miuccia Prada設計,即使股價唔郁,點都為市場帶來話題啩。
電影講述男主角1922年去紐約發展,走入富豪紙醉金迷嘅世界,體會到上流社會究竟係點,套戲充滿靚人靚衫,部份靚衫就係由Miuccia Prada操刀設計,套戲同Prada嘅股價表現同樣令人有所期待。