李亞男、林欣彤噚日喺大埔出席母親節活動，喺現場大派鮮花。李亞男話媽咪喺加拿大，遲啲先補祝，問佢會唔會同男友王祖藍嘅媽咪慶祝？佢話祖藍好忙，應該冇時間，不過佢都送咗啲實用嘅禮物畀祖藍媽媽，亞男又話祖藍屋企人冇催婚，順其自然。講到祖藍喺微博放咗張着住女裝紅色拖鞋嘅相，懷疑佢哋同居，亞男即話唔係，對鞋係佢妹妹嘅。而林欣彤講到佢之前不適入院，佢話係食錯嘢。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！