【金鐘柏舍】昨日是謝霆鋒細仔謝振南（Quintus）三歲生日，適逢母親節，霆鋒相約了爸爸謝賢（四哥）、媽咪狄波拉到他金鐘寓所一起慶祝，只是全日未見壽星仔Quintus的媽咪張栢芝出現。
昨午2時，拉姑與老公鬍鬚Kong乘的士到霆鋒居住的金鐘柏舍，約15分鐘後，霆鋒的七人車載着兩兒子謝振軒（Lucas）和Quintus到達，Lucas落車時伏在傭人膊頭，反而壽星仔Quintus滿面笑容，眼仔睩睩，由傭人抱上樓會爹哋。
至下午2時半，四哥乘的士抵達，問四哥是否為Quintus慶祝生日，他說：「係呀，買咗禮物，已經喺上面，慶祝埋母親節。」稍後謝婷婷亦出現，而Lucas和Quintus於晚上7時許由傭人陪同離開。Lucas和Quintus雖然未能跟父母一齊慶祝母親節，但之前已齊齊跟栢芝做勞作，以圖畫表達心聲，他們都希望媽媽能如宇宙超人一樣強大。
採訪、攝影：黃曉程
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！