體壇拾趣：𡃁仔波踢14秒腰斬

佩斯寶早前亞協盃作客晨曦，球員扮傷令賽事腰斬，咁冇體育精神嘅行為人神共憤。上周日嘅U14恒基青少年精英盃，大中對離島竟有類似情況出現。得8人出賽嘅離島（圖），開波14秒即有人傷出，搞到賽事要腰斬。本身係足總董事嘅傑志總領伍健，話離島其實有前科，足總唔排除會介入跟進。