楊思琦的囡囡楊卓穎（Krystal）已經一歲零兩個月大，今年是思琦做媽咪後的第二個母親節，但卻要演出舞台劇，未能與囡囡和媽咪一齊慶祝。會送甚麼給楊媽媽？思琦說：「抽多啲時間陪佢，做咗媽咪後，都想多啲陪住個女，我諗媽咪同我一樣。」
思琦是單親媽媽，但她自言不覺累，她說：「都係咁啦，開心就得。」她笑言能見證囡囡每日長大已心滿意足，她說：「佢好活躍，一啲都唔似我，我細個好木獨，但阿女就好多表情。」Krystal初生時生得很像吳帥，但現在越來越似思琦，她說：「白咗好多，冇細個咁黑。」早前思琦為囡囡舉行一歲生日派對，並邀自己的中學同學出席，問對囡囡將來期望，她說：「最重要健康開心。」
採訪：丁寧
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！