鍾楚紅昨日身穿搶眼的橙紅色Lanvin連身裙現身中環四季酒店的健康食品代言活動，提到紅姑早前被影到與agnès b.男高層丘家輝（Donald）撐枱腳甜笑收花，她笑言：「見到花會開心，會sweet，同佢識咗好耐，係男性朋友，係最後一個俾你影到，朋友冇晒、怕晒我，女性朋友都怕咗我。」
會否抗拒人追求，紅姑說：「冇諗過，好多男女朋友，生活開心冇需要。」與Donald有發展可能？她表示：「好朋友，就係咁簡單，未考慮接受俾人追，𠵱家生活好正，享受一個人生活同隻貓，有屋企人，有痛錫姨甥同姪仔姪女，身邊多愛。」
採訪：林嘉慈
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！