Mark及Kelly除了音樂上的合作，私底下亦無所不談，由湊仔經至扮靚經，他們都會互相分享。Kelly踢爆阿Mark的貪靚程度比女人更甚，她說：「出道時我塊面好肥㗎，咁就聽人講走去推淋巴啦，後來阿Mark見到我有咗效果就問我去邊度推、叫我介紹佢，最後佢仲試埋一份，我真係估唔到一個男人咁鬼貪靚。」Mark透露由於推淋巴的過程實在太痛，所以只做了一次便放棄。
Mark玩紙紮車
Kelly再踢爆Mark的貪靚事件，她說：「我次次去錄音都見佢襯好晒衫㗎，頂帽條邊會襯番條皮帶、底褲邊又襯襪邊，真係好貪靚。」阿Mark亦不甘示弱反擊：「你咪又係次次襯過晒色，我識佢咁多年冇一次見佢着衫係求其咁着㗎。其實做藝人真係應該好似Kelly咁貪靚，永遠都畀最靚嘅一面大家睇。𠵱家新一代藝人就缺乏呢樣嘢，有時太過casual。」
互數一輪，阿Mark又爆Kelly每次錄音的一個怪習慣：「佢次次錄音前都唔知去邊度買一兜魚肉燒賣上嚟食。」最後Kelly就以一個「紙紮車」的故事，為今次訪問畫上句號，她笑說：「有一排阿Mark好沉迷玩模型車，我上到佢錄音室見到好多一個個唔同色嘅車身殼擺晒喺度。我一開門嗰吓嚇咗一跳，仲問助手做乜阿Mark玩到冇嘢好玩、放晒啲紙紮車喺度咁恐怖！」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！