水晶宮上周五喺英冠升班附加賽4強首回合，只能喺主場打和白禮頓0:0，搞到禮拜一作客白禮頓進行次回合時，冇乜優勢可言；咁都未算，今季聯賽幫佢哋入咗30球嘅前鋒格連梅利（倒地者），喺67分鐘因膝部韌帶受傷退下火線，幾可肯定踢唔到次回合，真係黑仔到爆。家陣水晶宮喺爭來季英超入場劵嘅路途上冇咗件主力，睇嚟情況都唔多樂觀。