今站一級方程式賽站移師西班牙巴塞隆拿舉行，連西甲霸班巴塞隆拿嘅巴西球員丹尼爾日前亦有去湊熱鬧，並同法拉利嘅巴西車手同鄉馬沙見面。可能唔想風頭俾F1車手蓋過，丹尼爾以一身潮服到場，戴住墨鏡，上身着紅色西裝，裏面穿着白襯衣；下身則係牛仔短褲，褲上面仲有好多油漆似嘅斑點，至於着得好唔好睇，就見仁見智啦！