瑞士球手費達拿雖然人氣一向好勁，但毫無疑問，佢嘅近況就真係麻麻，喺早前喺印第安韋爾斯網賽8強出局之後，小休咗7星期，但係喺馬德里網賽表現都係唔掂，身為2號種籽嘅費天王，喺第3圈爆冷以1:2輸畀日本嘅錦織圭。雖然話就話泥地一向唔係費天王嘅強項啫，但以佢現時嘅狀態，要喺月尾開波嘅法國網球公開賽爭冠軍，真係有啲難度。