【首當其衝】
內地豪客歐遊成為劫匪獵物，負責帶團的領隊更首當其衝。任職領隊10多年的Jacky，最近四年專責帶大陸歐遊團，他形容每次出團都「預咗被劫」，並說：「嗰邊治安咁差，根本冇對策，返呢份工簡直係搵命博！」
「有人爆門即刻響」
Jacky半年前帶大陸團到法國遇竊，「喺羅浮宮諗住買嘢飲，先發覺個斜孭袋被𠝹開，銀包唔見咗，損失成千蚊歐元」。他指帶大陸團的行家幾乎都有類似經歷，領隊和導遊會購買「距離警報器」自保。Jacky教路說：「將警報器裝喺門同門框之間，瞓着咗有人爆門就即刻響。」亦有領隊入住酒店後，跟當地司機對調房間，以免有人串通劫匪。
國際專業保險諮詢協會會長羅少雄表示，近年本港涉及歐洲旅遊遇劫和被盜的索償數字，不論導遊還是旅客均上升了一至兩成，「導遊可額外購買『個人財物保險』，最低消費一年需千多元」。
香港旅業服務專業工作人員協會會長彭秋威說：「近期美國同歐洲多咗好多類似打劫事件，對策係盡量小心；返到房都要做安全防備，將錢放喺不同地方。」
《蘋果》記者