【銅鑼灣百德新街】現年28歲嘅楊愛瑾（Miki）眼見自己成績落後喺前Cookies嘅舊隊友鄧麗欣同吳雨霏，近日放風話會向時下𡃁模挑機出寫真，仲會拍電影同埋返內地拍劇搵錢。不過身為永安集團太子爺郭永淳嘅女朋友，佢都唔需要太博。所以Miki閒時嘅生活都係行街買衫，前日5點鐘佢約咗位女性朋友喺銅鑼灣一間服裝店會合，睇咗唔夠十分鐘就離開。Miki出到嚟見有記者喺度，就同朋友急急腳走入人多嘅港鐵站走咗去。
採訪、攝影：彭琮然
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！