【散貨套現】
長實（001）主席李嘉誠於3月時指出，買樓自住沒問題，炒樓就不應該；至於公司執行董事趙國雄年初亦預測，今年樓市有10%的波幅，樓價亦有機會下調，但跌幅最多10%。
直至最近，與麥格理分析員會面的長實高層，預料樓市已經轉向跌市，似乎公司對樓市前景逐漸悲觀。然而，長實最近數個月的舉動，已經反映公司睇淡樓市早有先兆。
劈價兩成賣貨尾
事實上，長實過往經常充當新盤劈價先行者，公司一有新盤劈價出售，其後往往迎來跌市，眼光甚準，因此成為樓市轉向的重要指標之一。
除了今年3月長實釋出終極跌市的訊號，大幅劈價高達兩成，出售荔枝角一號．西九龍貨尾單位之外，其實早於去年11月開始，有見政府連環推出壓抑樓價措施，公司便以各式奇招，轉陣出售住宅以外的其他資產套現，預示長實早已要錢唔要貨。
去年11月，長實將旗下何文田豪宅盤半山壹號、大圍名城、葵涌雍雅軒等多個項目的車位出售，單計名城，僅一個月便火速套現6億元。
另外，今年2月，長實破天荒將葵涌「雍澄軒」酒店360個房間拆售，並火速售罄，套現逾14億元。
長實近年甘願飽受各界批評，不顧形象，亦要將資產賣得就賣，似認為樓市好景時日無多，直至最近劈價售樓，加上高層發悲觀言論，更足以確認長實化身樓市淡友。