黃子華為無綫再拍新劇《My盛Lady》，噚日同許紹雄、阮兆祥同林子善喺觀塘碼頭拍外景，劇情講四兄弟「Super Senior」反目，仲笑稱呢個稱號可以係「Super樁你呀」或「Super呃飯食」。而Benz雄以一身潮服兼假髮出現，祥仔笑佢變咗偶像派，行路好輕佻，子華見佢造型搞笑亦加把嘴話：「佢連身體機能都好咗，俾佢搶鏡要諗辦法。」祥仔稍後會同李思捷、王祖藍再合作。
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！