馮素波噚日喺尖沙嘴出席健康食品活動，佢話之前同白雪仙打16圈麻雀，之後仲彎唔到腰㖭。最近佢一直為香港電視拍劇，但有傳該公司蝕錢冇劇開，佢話：「演員裝備好自己，做好本份，其實事情唔使我哋憂慮，我哋演員做到自己物有超值就得。」至於《金枝慾孽貳》收視欠佳，有份演出嘅馮素波話：「呢個係口味問題，觀眾未深入去諗劇講乜。其實我覺得呢套劇係講人生活化，人本善，希望觀眾忙碌完睇下人性嘅嘢，唔好一味睇惡生活嘅戲。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！