【銅鑼灣景隆街】關菊英有同性密友周偉利（Willy）做伴，而佢前夫黎小田亦唔愁寂寞，大前日6點幾佢同一位中年女人喺銅鑼灣行街，佢哋沿景隆街行向世貿中心，其間黎小田不停煲煙，但女伴一啲都冇介意，沿途佢哋傾到雞啄唔斷，兩個人仲行到膊頭貼膊頭鬼咁親切㖭。當佢哋去到怡東酒店準備上的士嗰陣，黎小田竟然好順手將煙頭掉落地，認真冇公德心，應該罰佢1,500蚊。
採訪、攝影：楊浩賢
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！