【中環】舒淇喺情路上一直好事多磨，近排又傳同緋聞男友馮德倫鬧翻，搞到舒淇要喺微博呻，有份主演由侯孝賢執導嘅電影《聶隱娘》又傳爛尾，認真流年不利。
前日6點見舒淇喺中環等車嗰陣，都好似有好多嘢講咁不停呻，只見戴住帽化晒妝嘅舒淇，企喺街邊成5分鐘都冇乜人認得出，佢亦樂得不停同女友人傾偈，不過佢身邊位朋友好快發現記者，即時通知舒淇一齊擰歪面，當架七人車嚟到嗰陣，位友人仲快過舒淇跳上車㖭。
採訪、攝影：黃曉程
逢周五隨《蘋果日報》附送嘅時尚美容雜誌《add》雖然早已派完；拎唔到書嘅朋友，可以上番《add》嘅官網 http://hk.add.nextmedia.com睇番足本網上版，除咗有專訪外，仲有好多時裝靚嘢睇！