就快母親節，男人都可以感受到做孕婦嘅辛苦，媽媽咪咪嘉年華首次由日本引入3D「動感模擬懷孕過程」，畀男人試吓「陀仔」嘅感覺，呢部儀器由神奈川工科大學小阪崇之教授設計研發，可以喺兩分鐘內感受一連串懷孕特徵，包括肚皮脹大、體重上升、被寶寶用腳踢。嘉年華今日起至星期日喺亞洲國際博覽館舉行。